2007 annáll the Kort family

Enn eitt árið er á enda og þá er gott að líta yfir farinn veg og skoða afraksturinn. Eins er sniðugt að útbúa annál, fyrir þær fjölskyldur sem komust ekki í jólakortagerð. Einhvern daginn þó mun Kort familían senda Kort eða jólakort. Þangað til dugir bloggið.

Árið 2007 var skemmtilegt og rólegt ár ef miðað er við flutningsárið mikla 2006. Ferðalög, skóli, skóli, meiri skóli og aðeins meiri skóli, TA djobb, hjúkkudjobb, kuldi (frost), flutningar, hiti (raki), fæðing og gestir er meðal þess helsta sem stóð uppúr á þessu rólegheita ári Kortara.

Kortarar skelltu sér í nokkur góð ferðalög á árinu. Byrjað var á stuttu stoppi í Madison í jan, the old country í febrúar, Seattleborg var heimsótt í mars, Orlando í oktober, og Chicago nú seinast í desember, ásamt þessu var familían dugleg að ferðast um Minnesotafylki. Markmið Kortara er að heimsækja öll fylki USA.

Korthjón stunduðu bæði nám sitt og TA stöður með góðum árangri. Árið fór vel í Björn Kort sem hélt áfram í pre-school, en á miðju ári skipti tappinn um skóla og fór í pre-kindergarten. Gæinn vill þó mest fara í sjóræningjaskóla þar sem hann getur lært að drekka romm og verða ekta pirate. Við lifðum fyrsta veturinn í Minneapolis af, sem er afrek í ljósi þess hversu fáránlega kalt var hérna suma dagana. Þökkum þar fínu lífrænu ullinni fyrir að hafa haldið útlimum þegar verstu kulda tímabilin gengu yfir. Gilli geði bætti í reynslubankann og fílaði vel að vinna í sumar sem óbreytt hjúkka á geðdeild hérna í USA. Við fluttum í draumahverfið í flotta Kort Mansionið. Frúin lifði af rakann hérna í óléttunni, var þó tæpt á tímabili.

Ágústa litla Kort var ekkert að drífa sig og lét umheiminn bíða, þangað til móðirinn missti þolinmæðina (ekki vatnið) og lét læknavísindin ýta við stúlkunni sem heiðraði okkur með komu sinni 23 júlí sl. Daman er búin að vera eins og draumur í dós síðan eða á þann veg að foreldrarnir gátu stundað nám sitt ásamt því að sinna henni.

Eins og fyrri ár þá var gestkvæmt og góðmennt hjá Korturum á árinu, sérstaklega eftir að nýjasti Kortarinn mætti á svæðið. Kortfamilían þakkar öllum gestum einstaklega vel fyrir allar heimsóknirnar á árinu, og já þið hin sem af einhverjum ástæðum komust ekki í ár til okkar, takk fyrir símtölin á árinu.

Árið 2008 stefnir í að vera spennandi fyrir Kortfamilíuna. Hjónin munu halda áfram í skólanum, Ágústa mun byrja í dagvistun í feb. þannig að hjónin ættu þá að geta einbeitt sér betur að náminu. Hin 9 maí næstkomandi mun Geði svo verða formlegur geðhjúkrunarfræðingur eða klíniskur sérfræðingur í geðhjúkrun, flottur titill þar. Eftir það mun Geði einbeita sér að því að fixa geðið í kananum hérna í USA. Planið er að vinna hérna í eitt ár til að byrja með, og meta svo stöðuna. Björn Kort mun prófa public skólana í Minneapolis þegar hann byrjar í kindergarten í haust. Planið er að koma drengnum í football og græða fullt af dollurum á þessu risavaxna afkvæmi okkar, ekki nema sanngjarnt að maður fái eitthvað smá uppí fæðiskostnaðinn. Skemmtileg roadtrip eru líka fyrirhuguð á árinu, DC, Virginia, Kanada og Florida er meðal þess sem við höfum í huga. Góðir gestir eru einnig væntalegir á komandi ári. Þeir sem staðfest hafa komu sína eru amma pönk sem væntaleg er 4 janúar nk., Constanza-hjónin í apríl, baunirnar og amma pönk again í maí. Draumurinn er að sjálfsögðu ennþá hér og eigum við von á honum aftur. Eins eigum við von á að sjá guðmóðurina úr Hafnarfirði og fylgdarlið, fínu læknahjónin úr hlíðunum, guðfaðirinn og co úr Garðabænum og vonandi fleiri góða gesti einhvern tímann á árinu. Nú ef ekki þá vonumst við til þess að hitta sem flesta þegar við komum í heimsókn til the old country til þess að skíra Ágústu Kort í maí-júni næstkomandi.

Við elskum ykkur öll- þið eruð cool, takk fyrir samveruna 2007 og gleðilegt nýtt ár 2008.

The Kort familían in the States

Land Of The Free Home Of The Brave.

Hele Kortfamilían í Chicago 2007

Chicago

Kortfamilían er í Chicago, erum að tékka á stemningunni í þessari vinsælu stórborg. Rosa fjör erum öll með hálsríg útaf öllum skýjakljúfunum hér. Ferðasagan kemur seinna.

Gleðileg jól!

Kortfamilían óskar öllum vinum, vandamönnum og vandræðamönnum gleðilegra jóla. Við situm hér öll fimm í góðum jólafíling at the Kort mansion. Hér eru hvít jóla svona einsog í bíómyndunum, við fílum það. Hormónaglaði kalkúninn syngur sitt síðasta í ofninum. Allt annað er reddy. B-Kort er spenntur en svalur fyrir öllum pökkunum (sem nota bene rétt sjást sökum super-size jólatrésins). Korthjónin standa í þægilegri matargerð, allt pre-cooked in US and A. Jósi a.k.a draumur eða barnarassinn eins og við kjósum að kalla tappann eftir vaxið. Situr límdur við TVið horfandi á the military station, um að gera að vera með öll nýjustu weapons of mass destruction á hreinu svona yfir hátíðarnar. Kortarar þakka fyrir sig og senda jólakveðjur back to the old country.

countdown í the dream

Það styttist óðfluga í Drauminn. Já Kortfamilían er að drepast úr spennu, brátt verðum við öll reunited again. Draumurinn sem seinustu 6 ár hefur alltaf eytt jólunum með Korthjónum er á leiðinni til okkar í jólafíling. Að mati sumra Kortarar þá eru ekki jól nema Le dream sé á svæðinu. Kappinn er væntanlegur kl 18:30 á Minnesota tíma. Það verður gaman að fá tappann sem ætlar að dvelja hjá okkur í tvær vikur. Planið er að halda uppá jól, fara í jólaboð, halda jólaboð, keyra til Chicago, fagna áramótum, fara á söfn, fara í spa, slappa af og chilla. Meðal þess sem við þurfum að gera fyrir dúdda er að fara í fokking Armanibúðina í Chicago. Gaurinn er svo snobbaður því samkvæmt honum er ekki hægt að versla neitt flott í Minneapolis a.k.a mekka verslunarborg norður Ameríku þannig að við þurfum að dröslast með hann til Chicago, það sem við gerum ekki fyrir vini okkar. Já, það er nóg að gera. Við vonum bara að sagan endurtaki sig ekki frá seinasta ári þegar dúddi og frúin komu með ælupest frá gamla landinu og Kortarar lágu í ælu ein af öðrum um jólin, nei nei engan viðbjóð núna. Kortliðið er á fullu að koma sér í gírinn fyrir jólin, frúin er komin í jólafrí til 22 jan, formlega búin með önnina, allir kúrsar búnir og einkunnir komnar. A á linuna hjá Korthjónum, við erum sátt með það. Gilli geð er líka búin með önnina en kalli fær ekki frí frekar en fyrri daginn. Planið hjá hjúkka er að vinna eins og crazy í plan Binu (lokaverkefninu) þangað til lokaönnin hefst 22 jan. Já, ef allt gengur að óskum þá erum við að tala um útskrift 9 maí hjá Gilla Kort. Ekki amalegt það.
Allavegna planið á morgun er flott, soon to be geðhjúkkufrúin og Draumurinn eiga pantaðan tíma í Spa, þar sem facial bath og heilnudd bíður þeirra og ekki má gleyma brasilíska vaxinu sem Draumurinn pantaði sér.

Jólatré

Árleg jólatrésferð Kortfamilíunnar var í dag. Siður þessi, sem er í anda The Griswold family hefur hingað til gengið vel, það sama var uppá teningnum í dag. Þó hægt sé að efast um hófsemi þegar kemur að stærð jólatrésins. Kortarar eru þó afslappaðir enda munum við enn þau jól þegar Geði fríkaði út á Þorláksmessu og keypti stærsta jólatréið í vesturbænum, sem hann svo með herkjum tróð inní stofuna á Seljaveginum. Þar var tréið svo látið standa þangað til mest allt grenið var fallið svo hægt væri að troða tréinu aftur, með hjálp góðra manna, útum gluggann, nota bene ásamt hluta af jólaskrautinu (já, frúin geymir en gleymir aldrei). Þau jól sat Kortfamilían með tréið í fanginum eða tréið með familíuna í fanginu, eftir því hvurnig kosið er að túlka veruleikann. Nú eru þó breyttir tímar þar sem the Kort mansion er töluvert stærra. Kortarar ákváðu að lifa lífinu á ystu nöf og skelltu tréinu upp samdægurs. Þema dagsins: when in Rome act like Romans. Málið er að það er siður hjá mörgum könum að setja jólatréð upp daginn eftir Thanksgiving s.s í kringum nóvemberlok og stilla trénu við glugga þannig að það sjáist að utan, vegfarendum og nágrönnum til ánægju og yndisauka. Kortarar ákváðu því að fara milliveginn þetta árið því vaninn hefur verið að ganga í verkið á Þorlák. Björn Kort var bara sáttur eða eins og tappinn orðaði það sjálfur this is so beautiful. I love it!!
Drengirnir búnir að velja tréið flotta.
Vinnuþrælkun, börnin voru látið draga tréið, ekkert hálfkák hér í uppeldinu
Flottir með fjölskyldutréið í ár. Listrænir hæfileikar Kortara í hnotskurn
Korttréið eftir smá intervention frá Geða hressa.

Til þeirra sem málið varðar:

Sumir eru flottir en fáir eru flottastir. Kortfamilían er hér með formlega komin í jólastuð. Nú þarf Le dream að takast á við læknafóbíuna og standa við sitt, annars látum við stráksa sofa úti. Við sendum þúsund þakkir í hlíðarnar.

Jólaball

BK og jóli.
Kortfamilían skellti sér á íslenskt jólaball seinustu helgi. Hittum þar þrjá flotta jólasveina í góðum fíling. Íslensku sveinkar eru að mati Björns þokkalega flottir gaurar, láta sig hafa það að fljúga yfir hafið til að gefa íslensku krökkunum i skóinn. Gæinn lætur menningarárekstra þegar kemur að jólasveinum ekkert á sig fá og honum finnst ekkert athugavert við það að hann sé eina barnið í leikskólanum sem fái í skóinn. Gaurinn kemur út í þvílíkum gróða þegar kemur að jólasveinunum, enda ekki við öðru að búast þegar maður trúir á 14 stk.
Björninn í góðum fíling á ballinu.

Lokasprettur haustannar

Korthjón eru hér um bil búin með önnina. Rétt um ein vika eftir eða svo. Annars er kominn snjór hérna og það bara slatti snjór, ætti vonandi að haldast til jóla. Kortarar fíla það, að vísu fylgir aukinn kuldi snjónum, og þá ekkert smá kuldi. Draumur Kortara þessa daganna er því fjölskyldubíl með sjálfvirkum startara.... já, lúxuslíf hérna hjá okkur.

Stóri brósi með lillu systu í góðum fíling.

Ævintýri

Kortfeðgin lentu í skemmtilegu atviki um daginn. Þannig var að Kortfrúin og börn voru á útleið einn morguninn þegar við þeim blasti stór eskimóa eða sleðahundur í garðinum. Viðbrögð frúarinnar með alla sína hundaþekkingu og reynslu, ekki allir sem geta státað af hundaatferlisnámskeiðum í den tid, voru að fara aftur inn og vonast til að rakkinn læti sig hverfa. Á meðan við biðum eftir að hundurinn færi, útskýrði frúin fyrir B-Kort að hættulegt gæti verið að tala við ókunnuga hunda og allt það. Drengurinn var þó ekki sammála móðurinni með að um hund væri að ræða,heldur stóð gæjinn harður á því að þarna væri úlfur á ferðinni. Eftir að hafa fylgst með voffa í smá stund heyrist svo í Birni Kort, "Mammma, ég er með hugmynd! Við verðum að drepa hann, verðum að drepa úlfinn". Nánari útlistanir á nákvæmlega hvernig hann hafði hugsað sér að ganga frá úlfinum fylgdu svo. Korthjón sem hingað til hafa ekki verið mikið fyrir að predika dráp eða annað eins velta nú fyrir sér hvaðan drengurinn fái hugmyndirnar. Spurning hvort hér sé um að ræða áhrif fra ameríku eða Njálu??