Dec 31, 2013

2013 Áramótaannáll Kort fjölskyldunnar et al.

Nýtt ár enn og aftur, Við bjóðum árið 2014 velkomið.

Árið 2013 var hið ágætasta ár fyrir the Kort family, og það verður áhugavert að sjá hvað 2014 færir okkur.

Eftirfarandi er það sem helst stendur uppúr á árinu hjá okkur greint eftir þemum en ekki tímaröð þó: 

Nám og störf:
Kortahjónin kláruðu doktorana sína 2012 en Gilli ákvað að bæta við sig réttindum í barnageði og þurfti því að setjast aftur á skólabekk, að vísu ekki í fullt nám en bættist samt ofan á 100% vinnu, já akkúrat þannig er það í ameríku, vinnan göfgar manninn og allt það shit. Hann kláraði kvekendið um jólin og mun því ekki læra neitt meira, aldrei aftur; þartil næst...‘‘no more school for you‘‘
Björn Kort kláraði 4 bekk og byrjaði í 5 bekk. The Dude sem hefur mikinn áhuga á samfélagsfræði heldur því fram að the public school kenni börnum ekki neitt, og að öll hans vitneskja sé tilkominn frá sjónvarpi eða internetinu en drengurinn hefur m.a. óbilandi áhuga á documentaries um kalda stríðið og samsæris-kenninga Youtube myndböndum ýmiskonar. Gússí kláraði kindergarten og er því komin í 1 bekk, gellan er loksins farin að sjá gróðan í því að kunn að lesa. Hún ætlar sér að vera horserider, singer eða lögga þegar hún verður fullorðin. Hellarinn hélt áfram í leikskólanum og fílar það bara vel, eitthvað var kvartað yfir því að drengurinn væri ekki að fylgja fyrirmælum nógu vel. Meðan hann sefur og er glaður þá erum við ánægð með hann J. Uppáhaldsorðin hans eru ‚‘‘mine‘‘og ‚‘‘cars‘‘ and any combinations thereof.
         Korthjónin héldu áfram að kenna við University of Minnesota þetta árið. Teymið hans Gilla fékk svaka stóran styrk þannig að nóg var/er að gera hjá honum. Eftir mikla umhugsun þá réð Auja sig í vinnu hjá háskólanum á Akureyri sem kennsluráðgjafi í fjarkennslu, það eru því von á miklum breytingum hjá Kortfamilíunni árið 2014.

Fjölskyldan og ferðalög:
Í janúar var farið í hina árlegu New York kvennaferð og svo skellti Gilli geð sér  í fimm daga ferð to the Boundary Waters. Þar skellti kappinn sér m.a. í finnska saunu með vinum sínum í 20 stiga frosti og bar eldivið um skóga Minnesota af svo milum móð að hann öðlaðist viðurnefnið ´´The psychotic horse‘‘ frá innfæddum. Kortarar voru mest heima við þangað til í júlí þegar BK skellti sér til Íslands og svo þaðan á first class með afa Bjössa til Rotterdam til að hitta Brit og Co. Rotterdamborg tók vel á móti the dude, watertaxi, og Euromastið stóðu þar uppúr. Eftir að Bjölli kom aftur til the US and A, byrjaði hið semi-annual road trip Kortfamilíunar. Í þetta sinn var ákveðið að keyra East cost, fyrst var keyrt til DC með stoppi í Pittsburgh og Akron, Ohio til að skoða hús Dr. Bob. Nokkuð öflug reynsla að sitja í eldhúsinu hennar Anne (such were the times) og ímynda sér samræðurnar sem hafa átt sér stað þar og eru endurteknar á hverjum degi í eldhúsum útum öll Bandaríkin. Á leiðinni til DC ´´kíktum´´ við í skemmtilegt kaffi til West Virginia til Álfgeirs og Önnu. Við dvöldum nokkra daga í DC þar sem þrammaðir voru helstu túristastaðirnir. Kortarar skoðuðu Capitolið og dáðust að hugsjónunum sem Ameríka var byggð á, ‚‘‘E pluribus Unum‘‘ og allt það, Björn Kort benti nú á að eitthvað hefði klikkað á að framkvæma sumar þeirra og áttu foreldrarnir erfitt með að þræta fyrir það. Einnig hittum við Okan og Jihoon gamla samnemendur Auju úr doktorsnáminu. Eftir DC var brunað til New Jersey til vina okkar Jimmy og Amy þar sem við dvöldum í nokkra daga í sérlega góðu yfirlæti. Næst var planið að líta yfir til NY með aðsetur hjá Jimmy og Amy í NJ, en vegna einstakrar gestrisni Möggu, Egils, Péturs (og Marðar) gistum við á Manhattan líka. Það gengi er einstaklega skemmtilegt og ákváðu Kortarar að eltihrella þau næstu ár þar til öll gleði er kreist úr þeim. Í NY hittum við enn fleiri vini, Beggu Gísla og Sigga, Snorra og Lydiu, og Torfa Frans og Bryndísi. NY var klárlega hápunktur ferðarinnar. Kortarar eru endanlega sannfærðir eftir ferð sína að persónuleg sambönd og tengingar eru einu auðæfin sem vert er að safna í þessum falska heimi: Kortarar eru vellauðug fjölskylda. Á leiðinni heim stoppuðum við og átum donuts í Stepping Stones, heimili Bill W til margra ára. Fyrir okkur í leynifjelaginu var þetta eins og að koma heim.
Gilli skellti sér á hjúkkuráðstefnu á Íslandi í september í viku með Kristínu, í þetta sinn var hann ekki jetlagaður í rugli, á meðan Stína stuð samkjaftaði ekki í 5 daga, Gilla til sérstakrar ánægju og yndisauka. Auja fór svo heim til Íslands útaf nýju vinnunni í október, and´´kicked ass and took names.´´

Í byrjun desember,ágerðust veikindi ömmu Möggu hratt og fór svo að hún kvaddi þennan heim 7 des sl. Gilli var þá á leiðinni heim og kvaddi mömmu sína í fallegri kaþólskri messu í gamalli kirkju í Boston. Nokkrum dögum seinna fór restin af Kortfamilíunni (–Helgi Kort) til Íslands til að kveðja ömmu Pönk. Hún lifir í minningunni sem einstök amma, sem alltaf var til í tuskið, og var góð fyrirmynd Korturum í að rækta samskipti og tengsl og þjónusta guð og menn. Í kringum 400 manns kvöddu Ömmu Möggu í fallegri athöfn í Árbæjarkirkju sem bar lífi hennar falleg vitni:

Lífsins kynngi kallar
Kolbítarnir rísa
upp úr öskustó
Opnast gáttir allar,
óskastjörnur lýsa
 leið um lönd og sjó.
Suma skortir verjur og vopn að hæfi,
þótt veganestið móðurhjartað gæfi.
Hverf ég frá þér, móðir mín,
en mildin þín
fylgir mér alla ævi.

(Ö. Arnarson)
                      

Tónleikar og aðrir viðburði:
Sáum Book of Mormon. Fórum á Sigur Rós og Mumford and son tónleika, sem voru báðir geðveikir. Skelltum okkur á NBA, NFL og college football leiki. Kortfrúin fór á sinn fyrsta NFL leik og unnu Víkingarnir þann leik, surprise, surprise. Fögnuðum St. Patricks day með sambýlinu og góðu prestshjónunum úr Kópavogi (sem by the way er sárt saknað) og vorum með í Murder mystery leik á vegum íslendingafélagsins, good times.

Gestir á árinu:
Það var ekki eins mikið um gestagang þetta árið hjá Kortfamilíunni því Brit og co fluttu til Rotterdam þannig að stelpurnar komu ekki þetta sumarið. Fyrsti  gestur þetta árið kom ekki fyrr en í maí þegar Páll mætti í stutta en afkastamikla vinnuferð, takk fyrir það Páll (kaffivélin er samt ennþá biluð Palli). Svo í júlí fengum við góða gesti frá New Yorkborg þau Möggu Vaff, Mörð, Maríu og Egill. Næstu gestir þar á eftir voru svo Vallarhjónin, Daði Gilla brósi og Hilmar frændi Gilla litu við í nóvember til að keyra nýja/gamla bílinn hans Daða til Maine. Lovísa og Jósi eyddu svo jólunum með okkur í góðum fíling fyrir utan heiftarlega magapest sem herjaði á Ewing mansionið. Maður er manns gaman og eins og alltaf þá var rosa gaman að hafa gesti. Kortarar munu í nýjum heimkynnum sínum halda í þá hefð að hafa opið og örlátt heimili og láta gestum sínum líða eins vel og andlegt ástand þeirra býður uppá hverju sinni :)



Annað merkilegt sem átti sér stað á árinu
  • Lifðum af einstaklega snjómikinn vetur
  • Tókum þátt í kosningum og héldum kosningavöku
  • Unnum og unnum at the U
  • Auja, Begga og Kris tóku þátt í íslenskum göngu/hlaupahóp frá janúar til júní.
  • Auja kenndi einn kúrs við community college, go Greendale
  • Tókum þátt í því að halda fyrsta kvennahlaup ÍSÍ í Minneapolis.
  • Börnin æfðu ballet, soccer, og sund
  • Skoðuðum Amish byggð í South Minnesota
  • Auja byrjaði í Crossfit eftir að Gilli byrjaði í Crossfit. Hvernig veistu hvort einhver er í Crossfit…
  • Héldum fourth of July partí
  • Hjónin fengu sér Phd tattoo
  • Einhver (ir) horfðu áfram á NFL, og töluðu og lásu um the NFL, go Vikes!
  • Fengum flott atvinnutilboð
  • Hjóluðum geðveikt mikið þetta árið
  • Gússí og Helgi héldu þvílíka afmælisveislu þar sem töframaðurinn Bo Franz hélt uppi stuði
  • Auja kenndi seinustu önnina sína og sagði upp hjá the U of M
  • Gilli fékk iphone 5C
  • Keyptum okkur næstum því þýskan fjárhund, takk Begga
  • Héldum Halloweenpartí
  • Vorum í flottustu Halloweenbúninum ever
  • Auja og Kris kláruðu hálft maraþon
  • Tókum þátt í black friday shopping í fimmta sinn
  • Einhver var “rekin” úr ballet
  • Vorum með aðventulestur
  • Skelltum okkur á skíð og bretti, börnin í fyrsta sinn en fullorðnu eftir sirka 13 ára hlé
  • Fengum allskonar umgangspestir og annan eins viðbjóð en lifðum það af
  • Keyptum fullt af drasli
  • Bökuðum geðveikt margar smákökur, konfekt, marengs og tvisvar sinnum lagköku ala Addi
  • Lifðum af fyrstu vinnandi árið okkar, húrra húrra
  • Margt annað skemmtilegt átti sér stað sem við annaðhvort gleymdum að taka myndir af eða pósta á facebook, það átti sér samt stað þrátt fyrir að það gangi gegn öllum eðlisfræðilögmálum
Árið 2014 kemur hvort sem við viljum það eða ekki. Í byrjun jan er planið að korthjón skelli sér í skíðaferð up north til Duluth, sjáum hvort það gangi upp.

Víst er að það verður ár breytinga fyrir Kortara. Fyrirhugaðir eru flutningar á miðju ári til Akureyrar City, þar sem planið er að setjast að í einhvern tíma. 2014 verður því seinasti Minnesotaveturinn hjá okkur, um að gera að nýta hann vel. Auja fer til Íslands í sex vikur um miðjan janúar til að vinna á meðan verða Gilli og Kortbörn í góðum fíling með sambýlinu.  Áætlað er að frúin taki tvær vinnutarnir á vorönn fyrir norðan áður en við flytjum í sumar. Áður en við kveðjum Minnesota, er von á góðum gestum til okkar: Tommarinn er væntanlegur í Maí. Páll, Unnur og co koma í júní til að hjálpa okkur að pakka og raða í gáminn, (já, Palli treystir okkur ekki til þess). Baddi, María og co munu líka kíkja við á svipuðum tíma. Við munum að sjálfsögðu taka þátt í kvennahlaupi ÍSÍ, börnin munu klára skólaárið, og við munum chilla niðrá vatni og hafa gaman með góðum vinum okkar hérna í fylki 10.000 vatna

Kort familian et al. óskar fjölskyldu og vinum gleðilegs nýs árs og þakkar fyrir hin gömlu með von um að hitta eða heyra í ykkur flestum á nýju ári


Sayanora bitches!

Kort familían að heilsa uppá Obama
                                       
Flotti kagginn hennar Gússí
                             
Amma Pönk með Bjölla og Gússí
                             
"And thats how I roll" The dude
                         
Halloween 2013
                             
New York ferð
         

Hversdagsleg mynd af hjónunum, enn og aftur stendur Gilli uppí hárinu á feðraveldinu